اسلامی تحریک مزاحمت ۔ حماس نے فلسطینی اتھارٹی کے صدر محمود عباس اور تحریک فتح کے دیگر عہدیداران سے ایک بار پھر مطالبہ کیا ہے کہ وہ مصر کی ثالثی اور نگرانی میں قاھرہ اور دوحہ میں ہونے والے مفاہمتی معاہدوں پر عمل درآمد کریں۔
اسلامی تحریک مزاحمت ۔ حماس کے عہدیداران کی جانب سے ’’مرکز اطلاعات فلسطین‘‘ کو موصول ہونے والے بیان کے مطابق معاہدے کے مطابق پانچ معاملات پر عمل درآمد ضروری ہے۔ قومی حکومت کی تشکیل، صدارتی اور پارلیمانی انتخابات اور قومی سکیورٹی کونسل، تنظیم آزادی فلسطین کی تشکیل نو، عام آزادیاں اور سماجی مفاہمت کے معاملات کو ایک ساتھ حل کرنے کی ضرورت ہے۔
حماس کے ذرائع نے کہا کہ اختلافات کے خاتمے اور حقیقی قومی مفاہمت پر عمل درآمد اور مفاہمتی معاہدے میں طے شدہ تمام امور پر عمل کرنے کی اشد ضرورت ہے۔
حماس نے زور دیا کہ قومی اتفاق کے لیے فلسطین کی تمام جماعتوں اور گروپوں میں قومی شراکت اور اتفاق رائے پیدا کرنا ہو گا۔
بشکریہ:مرکز اطلاعات فلسطین