مغربی کنارے کے تاریخی شہر الخلیل میں فلسطینی نوجوانوں نے ایک اسرائیلی گاڑی پر گھریلو ساختہ پٹرول بم برسائے ہیں۔ یاد رہے کہ کچھ روز قبل بھی فلسطینی مزاحمت کاروں نے ایک اسرائیلی فوجی اڈے پر تین پٹرول بم پھینکے تھے۔
اسرائیلی ریڈیو کے مطابق اتوار کے روز فلسطینی نوجوانوں نے الخلیل کے مضافاتی گاؤں صوریف سے گزرنے والے ایک اسرائیلی فوجی قافلے پر حملہ کیا اور اس پر آگ لگانے والے ’’مولوٹوف‘‘ طرز کے کم از کم دس بم پھینکے۔
صہیونی ذرائع کا کہنا ہے کہ پٹرول سے بھری ان شیشے کی بوتلوں سے اسرائیلی فوج کو کوئی جانی یا مالی نقصان نہیں ہوا، جواب میں اسرائیلی فوج نے فلسطینی نوجوانوں پر فائرنگ بھی کی۔ ادھر الخلیل کے علاقے بیت امر ٹاؤن میں بھی فلسطینی نوجوانوں نے اسرائیلی فوج کے ایک مرکز پر تین پٹرول بم پھینکے جس سے کوئی فوجی زخمی نہیں ہوا۔
بشکریہ:مرکز اطلاعات فلسطین