غزہ حکومت کی وزارت خارجہ نے ترکی کے صدر رجب طیب ایردوآن کے دورہ غزہ کا خیر مقدم کیا ہے۔
ایک بیان کے مطابق ایردوآن کے تاریخی دورے سے فلسطینی مفاہمت میں بہتری آئیگی اور فلسطینی عوام کی ایک آزاد ریاست جس کا دارالحکومت یروشلم ہو اس کے قیام کی جدوجہد کو حمایت حاصل ہوگی۔
وزارت کے مطابق اس نے ترکی کے صدر، حکومت اور عوام کو اسرائیل سے سفارتی فتح پر ایک مبارکباد کا پیغام بھجوایا تھا۔ اسرائیل نے ترکی سے ترک امدادی کشتی مافی مرمرہ پر حملے پر معذرت کی اور متاثرین کے خاندانوں کو معاوضے کی ادئیگی اور غزہ کا محاصرہ اٹھانے پیشکش کی۔
انہوں نے کہا کہ اس قدم سے اسرائیل کے فلسطینیوں کے خلاف جنگی جرائم اور انسانی حقوق کی خلاف ورزیوں کی کمی آئے گی۔
ایردوآن نے اگلے ماہ غزہ کے دورہ کا اعلان کیا تاکہ وہ مظلوم فلسطینی عوام سے مل سکیں اور اس بات کی تصدیق کرسکیں ک آیا اسرائیل نے محاصرہ ختم کیا ہے یا نہیں۔
شبکریہ:مرکز اطلاعات فلسطین