قبلہ اول کے محافظین کے مطابق 80 کے قریب اسرائیلی فوجی اہلکاروں اور یہودی آباد کاروں کے ایک گروپ نے مسجد اقصی پر دھاوا بولا ہے۔ غیر ملکیوں کے لیے سیاحتی پروگرام کے تحت اسرائیلی پولیس نے بھی اس گروپ کی حفاظت پر مامور رہی۔
مسجد اقصی کے گارڈز نے بتایا کہ اسرائیلی پولیس نے انہیں مسجد میں گھس کر اس کی بے حرمتی کرنے والے یہودی جتھے کے قریب جانے سے روکے رکھا۔
خیال رہے کہ اسرائیلی حکام نے مسلمانوں کے تیسرے مقدس ترین مقام مسجد اقصی کو یہودی رنگ میں رنگنے کی کارروائیاں تیز کر دی ہیں۔ آئے روز یہودی رہنما اور آباد کار مسجد اقصی میں گھس کر اس مقام کی بے حرمتی کرتے رہتے ہیں۔ ادھر بدھ کے روز امریکی صدر کی فلسطین آمد کے موقع پر مسجد اقصی اور سارے القدس میں ہزاروں اسرائیلی فوجی اور پولیس اہلکار موجود ہیں۔ سخت سکیورٹی انتظامات کے باعث شہر فوجی چھاؤنی کا منظر پیش کر رہا ہے۔
بشکریہ:مرکز اطلاعات فلسطین