قابض اسرائیلی فوج نے مغربی کنارے کے شمال میں عوامی پروگرامات کی کوریج کے دوران الاقصیٰ سیٹلائٹ ٹیلی ویژن کے رپورٹر طارق ابو زید کو اغوا کر لیا۔
عینی شاہدین نے مرکز اطلاعات فلسطین کو بتایا کہ اسرائیلی فوجیوں نے صحافی ابو زید کو اس وقت اغوا کیا جب وہ کفر قدوم گاوں میں منعقدہ مارچ کی کوریج کر رہے تھے۔
انہوں نے بتایا کہ فوجیوں نے صحافی کو گرفتار کے بعد انہیں نامعلوم مقام پر منتقل کر دیا۔ اسیران اسٹڈی سینٹر ‘احرار’ نے ابو زید کی حراست کی مذمت کی اور ان کی فوری رہائی کا مطالبہ کیا۔
احرار سینٹر نے بتایا کہ قابض فوج نے گائوں میں احتجاج کرنے والے لوگوں کے خلاف اسرائیلی خلاف ورزیوں کی کوریج کرنے والے صحافیوں پر حملہ کیا۔ سنٹر کے مطابق اس وقت 12 صحافی اسرائیلی جیلوں میں قید ہیں۔
اسی تناظر میں فلسطینی اسیران کے دفاع کے لئے یورپی نیٹ ورک "یو فری” نے اسرائیل کی صحافیوں اور انسانی حقوق کے کرکنوں کے خلاف مسلسل خلاف ورزیوں کی مذمت کی اور ان کی فوری رہائی کا مطالبہ کیا۔
‘یو فری’ نے ایک پریس ریلیز میں بتایا کہ نے قابض اسرائیلی فوج نے بدھ کو علی الصباح دو صحافیوں تامر سباعنہ اور بکری عتیلی کو اغوا کرلیا تھا۔
انہوں نے بتایا کہ اسرائیل کی صحافیوں کے خلاف کاروائیاں سچ کو چھپانے کی کوششوں کا حصہ ہیں۔ انہوں نے مزید بتایا کہ بین الاقوامی برادری کا اسرائیل کو اس کے اعمال کے لئے جوابدہ ٹھہرانے میں ناکامی ہی اسرائیل کی اپنی کاروائیوں میں تسلسل کی وجہ ہے۔
بشکریہ:مرکز اطلاعات فلسطین