اسرائیلی سکیورٹی فورسز نے مغربی کنارے کے شہر جنین کے مغرب میں وافع یامون ٹاؤن پر دھاوا بول کر یہاں پر پانی کے کنووں کی تلاش شروع کر دی ہے۔ ذرائع کے مطابق صہیونی فوجی اہلکار علاقے میں لوگوں کو روک کر ان سے پوچھ گچھ کرتے رہے۔
جمعرات کے روز جنین کے متعدد علاقوں میں اسرائٍیلی اہلکار لوگوں سے پانی کے کنووں کے بارے میں پوچھتے رہے۔ مقامی ذرائع نے بتایا کہ العین اور الیامون میں فوجی گشت کرتے رہے۔ اہلکاروں نے گھروں میں داخل ہو کر تلاشی لی۔
اس حملے کا مقصد علاقے میں موجود پانی کے کنووں کے بارے میں معلومات اکٹھا کرنا تھی۔ ذرائع نے بتایا کے علاقے میں پھیلے صہیونی اہلکاروں نے جگہ جگہ شہریوں کو روک کر پوچھ تاچھ کی۔
واضح رہے کہ اسرائیل فلسطینی آبادیوں میں موجود بجلی اور پانی کی بنیادی سہولیات کی فراہمی کو معطل رکھنے کی کوششوں میں مصروف رہتا جس کا مقصد دیہی آبادیوں سے فلسطینیوں کو ہجرت پر مجبور کرنا ہے۔
بشکریہ:مرکز اطلاعات فلسطین