تل ابیب میں ایک کار میں دھماکہ، سات افراد زخمی

اسرائیلی ذرائع ابلاغ کے مطابق سن 1948ء کے مقبوضہ فلسطین کے شہر تل ابیب میں ایک کار میں دھماکے سے تباہ ہوگئی ، دھماکے سے موقع پرموجود سات افراد زخمی ہو گئ ہیں۔زخمیوں کی حالت خطرے سے باہر ہے جن کاعلاج جاری ہے۔  دھماکے کے بارے میں ابتدائی تحقیقات میں کہا جا رہا ہے کہ دھماکہ قریب کھڑی ایک موٹر سائیکل میں ہوا اور یہ کسی جرائم پیشہ افراد کی کارروائی ہے۔اس دھماکے میں کار سواروں کو ٹارگٹ کیا گیا تھا۔

دھماکے میں قریب سے گزرنے والی بس کو بھی شدید نقصان پہنچا، تاہم بس میں زیادہ مسافر نہ تھے۔ ذرائع کے مطابق اس دھماکے میں جرائم پیشہ گروہ کے سرغنہ کو نشانہ بنایا گیا تھا تاہم وہ بچ نکلنے میں کامیاب ہوگیا ہے۔دھماکے کے فورا بعد سکیورٹی فورسز نے سارے علاقے کو گھیرے میں لے لیا ہے۔ علاقے سے کسی کو گزرنے کی اجازت نہیں ۔ فائر بریگیڈ اور ایمبولینسز نے فوری موقع پر پہنچ کر امدادی کارروائی شروع کر دی تھی۔