بھارت سے یہودی آبادکاروں کی مقبوضہ فلسطین منتقلی

مقبوضہ فلسطین میں یہودیوں کی عددی اکثریت بڑھانے کے لیے دنیا بھر سے یہودیوں کو فلسطین میں لا کر بسانے کی صہیونی مہم جاری ہے۔ اسی مہم کے تحت 53 یہودی حال ہی میں بھارت سے فلسطین لائے گئے ہیں جبکہ آئندہ ماہ میںمزید 121 یہودیوں کومقبوضہ فلسطین میں لا کر آباد کیا جائے گا۔ اسرائیلی ریڈیو کی رپورٹ کے مطابق بھارت سے لائے جانے والے یہودی آباد کاروں کا تعلق ’’منشیہ بنی اسرائیل‘‘ نامی ایک یہودی قبیلے سے ہے۔ سنہ 2005ء میں یہودی پیشواؤں کی نمائندہ تنظیم نے انہیں یہودی قرار دیا تھا جس کے بعد انہیں ترغیبات کے ذریعے مقبوضہ فلسطین میں لا کربسانے کا فیصلہ کیا گیا تھا۔