مقامی ذرائع نے ’’مرکز اطلاعات فلسطین‘‘ کے نمائندے کو بتایا کہ اسرائیلی فوج کی زیر نگرانی سیکڑوں یہودی آباد بسوں اور دیگر گاڑیوں میں سوار ہو کر حضرت یوسف علیہ السلام کی قبر مبارک کے قریب آئے اور مزار مبارک میں گھس کر تلمودی عبادات کی ادائیگی شروع کردی۔
اس موقع پر فلسطینی نوجوانوں نے مشتعل ہوکر یہودی آباد کاروں پر پتھراؤ شروع کر دیا جس پر دونوں جانب سے باقاعدہ جھڑپیں شروع ہوگئیں۔ اسرائیلی فوج نے نوجوانوں پر لاٹھی چارج شروع کردیا اور ان پر اشک آور گیس اور ربڑ کی گولیوں کی بوچھاڑ کر دی۔ نوجوانوں نے بڑے پتھر رکھ کر علاقے کی شاہراہوں کو اسرئیلی فوجی گاڑیوں کی نقل و حرکت کو محدود کر کے رکھ دیا۔
ذرائع نے بتایا کہ اسرائیلی اہلکاروں نے جھڑپوں کے دوران تین فلسطینی نوجوانوں کو گرفتار بھی کرلیا ہے۔ گرفتار ہونے والوں میں نضال شیخ خلیل، 23 سالہ اور محمد شیخ خلیل، 21 سالہ کے علاوہ بائیس سال کے نوجوان احمد ابو حمادہ بھی شامل ہیں۔