غزہ پر اسرائیلی فوج کی تازہ بمباری میں اسلامی تحریک مزاحمت ۔ حماس۔ کے عسکری ونگ القسام بریگیڈ کے کمانڈر احمد الجبری شہید ہو گئے،
مرکز اطلاعات فلسطین کے مطابق اسرائیلی فوج نے غزہ کے وسط میں ایک گاڑی پر میزائل حملہ کیا، جس کے نتیجے میں القسام بریگیڈ کے کمانڈر احمد الجبری جام شہادت نوش کر گئے۔،
واضح رہے کہ اسرائیلی فوج گزشتہ کچھ دنوں سے وقفے وقفے سے غزہ پر فضائِی اور زمینی حملے کر رہی ہے ، لیکن آج کا حملہ اپنی نوعیت کا اہم حملہ تھا جس میں احمد الجبری شہید ہو گئے۔
احمد الجبری کا شمار حماس کے اہم رہنماوں میں ہوتا تھا اور احمد القسام بریگیڈ کے چیف کمانڈر بھی بتائے جاتے ہیں ۔
اسلامی تحریک مزاحمت ۔حماس۔ کے رہنما صلاح بردویل نے واضح کیا کہ احمد الجبری کا خلا صدیوں پورا نہیں ہو سکتا اور انہوں نے مزید کہا کہ اسرائیل نے اپنے لیے جہنم کے راستے کھول لیے ہیں، اور اسرائیل اپنے منطقی انجام کی گامزن ہے۔