مصری صدارتی مشیر انجینئیر محمد سیف الدولہ کا کہنا ہے کہ فلسطینی اتھارٹی کے صدر محمود عباس نے فلسطینیوں کے حق واپسی سے دستبرداری کا بیان دے کر ہر فلسطینی کو صدمے سے دوچار کردیا ہے
کیونکہ فلسطینیوں کا یہ حق اقوام متحدہ کی قراردادوں میں بھی درج ہے۔ اقوام متحدہ کے مطابق اسرائیل کو قبول کرنے کی چار شرائط ہیں جن میں سے ایک فلسطینیوں کی واپسی بھی ہے۔
انجینئر سیف الدولہ نے خبر رساں ایجنسی قدس پریس سے گفتگو میں کہا کہ اقوام متحدہ کی عالمی قرار داد اسرائیل کے وجود کو اسی وقت تسلیم کرتی ہے جب وہ فلسطینیوں کو اپنے ملک یا اپنے شہروں میں واپسی کی اجازت دیتی ہے۔ یہ وہ معاملہ ہے جس پر تمام تر اختلافات کے باوجود تمام فلسطینی تنظیمیں متفق ہیں۔
مصری صدارتی مشیر نے توقع ظاہر کی کہ امید ہے کہ محمود عباس کا یہ بیان ان کی سبقت لسانی ہوگا نا کہ ان کا حقیقی موقف۔
بشکریہ: مرکز اطلاعات فلسطین