اسرائیلی وزارت خارجہ نے ڈنمارک کی جانب سے یورپ کے بازاروں میں بکنے والی یہودی بستیوں میں تیار کی گئی مصنوعات کے بائیکاٹ کی اپیل پر گہری تشویش کا اظہار کیا ہے۔ بہ قول ذرائع یورپی ممالک میں مغربی کنارے
میں ناجائز طور پر قائم یہودی بستیوں کی مصنوعات کے بائیکاٹ پر اسرائیل سخت پریشان ہے۔
اسرائیلی وزارت کے ذرائع نے بتایا کہ یورپی ممالک میں اسرائیلی مصنوعات کے بائیکاٹ کی تحریک تیز ہوتی جارہی ہے جس پر صہیونی حکومت کی پریشانی بڑھتی جارہی ہے۔ گزشتہ دنوں ڈنمارک کے وزیر خارجہ ویلی سونڈال نے یورپی مارکیٹوں میں یہودی بستیوں میں تعمیر کردہ مصنوعات کو مخصوص علامت دینے کا مطالبہ کیا تھا۔ اس اپیل کا مقصد عالمی قوانین کے تحت غیر قانونی یہودی بستیوں کی مصنوعاٹ کے بائیکاٹ میں آسانی پیدا کرنا تھا۔
ڈینش وزیر کے اس بیان پر ردعمل دیتے ہوئے اسرائیلی عہدیدار نے کہا کہ ڈنمارک کا یہ بیان اب یورپ بھر میں زیر بحث لایا جائے گا۔ ایک ایسے وقت میں جب فرانس اور برطانیہ جیسے ملک یہودی بستیوں میں تیار کردہ مصنوعات کے بائیکاٹ کی مہم کی حمایت کر چکے ہیں یہ بیان اسرائیل کے لیے مزید نقصان دہ ثابت ہوگا۔
بشکریہ: مرکز اطلاعات فلسطین