اسرائیلی بحریہ فلسطینیی شہر غزہ کی پٹی کے ساحلی علاقوں میں ہروقت فلسطینی ماہی گیروں کے تعاقب میں رہتی ہے۔ کئی بار بغیر کسی جرم کے ماہی گیروں کو گولیاں مارکر انہیں شہید اور زخمی کر دیا جاتا ہے۔
اسی طرح کی ایک تازہ ویڈیو فوٹیج میں صہیونی فوج کو شمالی غزہ کے ساحل پر فلسطینی ماہی گیروں کی کشتیوں کا تعاقب کرتے اور انہیں پانی میں ڈبونے کی ناکام کوشش کرتے دکھایا گیا ہے۔ مرکز اطلاعات فلسطین کے مطابق ‘‘یوٹیوب’’ پر نشر یہ ویڈیو فوٹیج غزہ میں میڈیا ٹاؤن کے ایک صحافی اور کیمرہ مین محمد المشہراوی نے نہایت دلیری اور مہارت کے ساتھ تیار کی ہے۔ ویڈیو میں اسرائیلی بحریہ کی دو فوجی کشتیوں کو فلسطینیوں کے چند سول کشتیوں اور ماہی گیروں کی کشتیوں کا تعاقب کرتے دکھایا گیا ہے۔
ویڈیو میں صاف طور پر دکھائی دے رہا ہے کہ اسرائیلی فوجی کشتیاں فلسطینی ماہی گیروں کی کشتیوں کو سمندر میں ڈبونے کی کوشش کر رہی ہیں اور دوسری جانب ماہی گیر اپنی جانیں اور کشتیوں کو ڈوبنے سے بچانے کی سرتوڑ کوششیں کر رہے ہیں۔ یہ سارا عمل ایسے لگ رہا ہے جیسے امریکی ہالی وڈ کی کسی فلم کی سمندر میں عکس بندی ہو رہی ہے۔
صحافی المشہراوی نے ویڈیو میں فلسطینی ماہی گیروں کو صہیونی فوج کی جانب سے لاحق ہمہ جہت خطرات کی صحیح تصویر کشی کرکے اسرائیلی فوج کے اس دعوے کی قلعی کھول دی ہے جس میں صہیونی فوج اور حکومت کا دعویٰ ہے کہ وہ صرف فلسطینی مزاحمت کاروں کا تعاقب کرتے ہیں۔ عام شہریوں کے ساتھ انہیں کوئی سرو کار نہیں۔
درج ذیل لنک پر یہ منظر دیکھا جاسکتا ہے۔
https://www.youtube.com/watch?feature=player_embedded&v=4ZjpYBqFkzQ
بشکریہ: مرکز اطلاعات فلسطین