روس کے طبی ماہرین کا ایک اعلیٰ سطحی وفد فلسطینی شہر غزہ کی پٹی میں پہنچا ہے جہاں ڈاکٹروں نے مریضوں کا طبی معائنہ بھی شروع کیا ہے۔
مرکزاطلاعات فلسطین کے مطابق روس سے تعلق رکھنے والے ڈاکٹروں کا وفد ڈاکٹر غلانوف مسلم کی سربراہی میں وفد اتوار کوغزہ پہنچا جہاں انہوں نے مختلف اسپتالوں میں زیرعلاج مریضوں کا معائنہ کیا۔ اس موقع پر غیر ملکی طبی وفد نے کئی فلسطینی مریضوں کی فوری سرجری کی تجویز دی اور سرجری کا عمل اپنی نگرانی میں کرانے کا بھی اعلان کیا۔
روسی طبی وفد ایک ہفتے تک غزہ کی پٹی میں قیام کرے گا جہاں مختلف مریضوں کے آپریشن اور دیگر نوعیت کےعلاج کے فرائض انجام دیے جائیں گے۔
بشکریہ: مرکز اطلاعات فلسطین