تیونس کے وزیرخارجہ رفیق عبدالسلام نے عرب لیگ سے مطالبہ کیا ہے کہ وہ سابق فلسطینی صدر یاسرعرفات کی موت کے اسباب کے تعین کے لیے لیگ کا ہنگامی اجلاس طلب
کرنے اور ایک انکوائری کمیٹی قائم کرے۔ ان کا کہنا ہے کہ یاسر عرفات کی موت کے بارے میں غیر طبعی ہونے یا انہیں زہر دے کر مارنے کے بارے میں جو اطلاعات میڈیا پر آ رہی ہیں انہیں غیر سنجیدگی سے لینے کے بجائے پوری سنجیدگی سے ان کی تحقیقات کی ضرورت ہے۔
تیونس کےوزیرخارجہ نے”موازیک ایف ایم” ریڈیو سے بات کرتے ہوئے کہا کہ یاسرعرفات کے قتل کے بارے میں جو اطلاعات سامنے آ رہی ہیں وہ پوری عرب دنیا کے لیے قابل فکرہیں۔ یاسرعرفات کی موت اگرزہر دیے جانے سے واقع ہوئی ہے تو اس کی شفاف تحقیقات کی جانی چاہئیں۔ اس مقصد کے لیے میں عرب لیگ سے مطالبہ کروں گا کہ وہ تنظیم کا ہنگامی اجلاس بلا کر ایک عالمی انکوائری کمیٹی قائم کرے جو یاسرعرفات کے قتل یا موت کے صحیح اسباب کا تعین کرے۔
خیال رہے کہ فلسطین اور عرب میڈیا میں ان دنوں سابق فلسطینی حریت پسند لیڈر الفتح کے بانی رہ نما مرحوم یاسرعرفات کی موت کا تذکرہ ایک بار پھر چھڑ گیا ہے۔ حال ہی میں سوئٹرزلینڈ کی ایک انکوائری کمیٹی نے سابق صدر کی بیوہ سہا عرفات کی درخواست پر یاسرعرفات کے زیراستعمال کئی درجن اشیاء پر تحقیقات کی ہیں جن سے حیران کن حد تک”الوبونیم” نامی ایک زہریلا مادے کے اثرات ملے ہیں جن سے ان شبہات کو تقویت ملتی ہے کہ یاسرعرفات کو زہر دے کر مارا گیا ہے۔
بشکریہ: مرکز اطلاعات فلسطین