اسرائیلی سیکیورٹی اہلکار پر خنجر سے حملے کے الزام میں القدس سے فلسطینی گرفتار

اسرائیلی پولیس نے ایک سیکیورٹی اہلکار پر خنجر سے حملے کے الزام میں مقبوضہ بیت المقدس سے ایک فلسطینی نوجوان کو حراست میں لے کر نامعلوم مقام پر منتقل کر دیا ہے۔

 مرکزاطلاعات فلسطین کے مطابق اسرائیلی پولیس نے جمعرات کو مقبوضہ بیت المقدس کے وسط میں تل فرنسیہ کے مقام سے ایک ٹرین میں سوار فلسطینی کو حراست میں لے لیا۔ اس پرالزام عائد کیا گیا ہے کہ وہ ٹرین کے ایک سیکیورٹی اہلکار کو قتل کرنے کا ارادہ رکھتا تھا اور اس نے سیکیورٹی اہلکار پرحملہ بھی کیا ہے تاہم وہ محفوظ رہا۔

ادھر اسرائیلی ریڈیو نے مقبوضہ بیت المقدس سے ایک فلسطینی شہری کی گرفتاری کی اطلاع دی ہے اور ذرائع کے حوالے سے بتایا ہے کہ ٹرین کے سیکیورٹی گارڈ پرحملے میں ملوث شخص کو بیت المقدس میں مسکوبیہ پولیس سینٹر منتقل کیا گیا ہے۔

بشکریہ: مرکز اطلاعات فلسطین