ترکی کی مسلح افواج نے نے بتایا ہے کہ اسرائیلی جنگی طیاروں کی جانب سے جزیرہ قبرص کی فضائی حدود کی مسلسل خلاف ورزیاں کی جا رہی ہیں۔
فوج کی جانب سے جاری ایک بیان میں بتایا گیا ہے کہ اسرائیلی لڑاکا طیاروں نے حال ہی میں قبرص میں تیل کی تنصیبات اور کنوؤں پر پروازیں کی ہیں۔ اس دوران ترک فوج کی فضائیہ کے طیاروں کے حرکت میں آنے کے بعد صہیونی طیارے واپس چلے گئے۔ ترک فوج کی ویب سائیٹ پر جاری بیان میں بتایا گیا ہے کہ گذشتہ پیر کے روز مبینہ طورپراسرائیل کے ایک جنگی جہاز نے شمالی قبرص میں پانچ مرتبہ ترکی فضائی حدود کی خلاف ورزی کی۔ جس کے بعد ترک فضائیہ نے اپنے طیارے فضاء میں بلند کیے تو وہ طیارہ اسرائیل کی طرف واپس چلا گیا۔
بیان میں بتایا گیا ہے کہ پہلے ترک فضائیہ کو معلوم نہیں ہو پایا کہ آیا یہ طیارہ فوجی ہے یا سول یا اسرائیل یا کسی دوسرے ملک کا ہے تاہم جب ترکی کے دو ایف سولہ جنگی جہازوں نے اس کا تعاقب کیا تو وہ اسرائیل کی جانب فرار میں کامیاب ہوگیا۔
ادھر ترک وزارت خارجہ نے اسرائیل کے رجسٹری آفس میں تعینات قائم مقام سفیر کو دفتر میں طلب کر کے فضائی حدود کی خلاف ورزی پرسخت احتجاج کیا ہے۔ ترکی کی سرکاری خبر رساں ایجنسی کی رپورٹ کے مطابق وزارت خارجہ نے اسرائیل کے لیے سفارت کاری کے فرائض انجام دینے والے ایک یورپی ملک کے سفیر سے کہا کہ وہ اسرائیل کے جنگی طیاروں کی ترکی کی فضائی حدود کی خلاف ورزی کی وضاحت کریں۔
بشکریہ: مرکز اطلاعات فلسطین