اسرائیلی فوج کے سربراہ جنرل بینی گانٹس نے غزہ پر نئی غارت گری کی تربیتی مشقیں شروع کرنے کی اجازت دے دی ہے۔ ان مشقوں میں بڑے پیمانے پر جدید اسلحے کا استعمال کیا جائے گا، مشقوں میں بری اور فضائی افواج شرکت کریں گی۔ پیادہ فوج کے اہلکار بھی غزہ پر حملے کی ان مشقوں میں شامل ہونگے۔
کثیر الاشاعات اسرائیلی روزنامے ’’ھارٹز‘‘نے بٹالین 50 کے سربراہ ناحل حوز کے حوالے سے بتایا کہ غزہ کی سرحد کے قریبی علاقوں میں اسرائیلی فوجی گیلاد شالیت کی رہائی کے بعد صورتحال اب مختلف ہے۔غزہ پر حالیہ اسرائیلی حملوں کے دوران اینٹی ٹینگ راکٹ بھی برسائے گئے جس سے صورتحال کے خطرناک ہونے کا اندازہ لگایا جا سکتا ہے۔
انہوں نے بتایا کہ گزشتہ تین ہفتوں کے دوران غزہ کی قریبی علاقوں میں حادثات کی رفتار میں تیزی دیکھنے میں آئی ہے۔
گزشتہ حملوں کے دوران پچاس کے قریب ھاون میزائل اسرائیلی فوجی مراکز کے انتہائی قریبی یہودی آبادیوں پر داغے گئے۔ انہوں نے بتایا کہ اسرائیلی آبادیوں پر اینٹی ٹینک میزائل مزاحمتی کمیٹیز کے رہنما شیخ زھیر القیسی کو شہادت کے بعد برسائے گئے۔