فلسطین میں انسانی حقوق کی ایک تنظیم اپنے تازہ اعداد و شمار میں بتایا ہے کہ گذشتہ ایک سال سے اسرائیل نے فلسطینیوں کے خلاف کریک ڈاؤں اور ان کی گرفتاریوں کا سلسلہ بڑھا دیا ہے۔ رپورٹ کے مطابق اس وقت اسرائیل کی جیلوں میں 4700 فلسطینی زیرحراست ہیں جن میں سے 320 فلسطینی انتظامی تحویل میں رکھے گئے ہیں۔
مرکز اطلاعات فلسطین کےمطابق انسانی حقوق کی تنظیم کی جانب سے ہفتے کے روز سامنے آنے والے اعدادو شمار میں بتایا گیا ہے کہ قابض صہیونی فوج نے رواں سال کے آغاز سے فلسطینی شہروں اور دیہات میں گرفتاریوں کا سلسلہ بڑھا دیا ہے۔ اس وقت بھی اسرائیل کی جیلوں میں سیکڑوں بچوں، خواتین، اراکین پارلیمنٹ اور دیگر شہریوں کی بڑی تعداد موجود ہے۔ اس سال اسرائیلی فوج نے تین ماہ کے دوران نو سو فلسطینیوں کو حراست میں لیا، جن کی اکثریت اب بھی جیلوں میں ہے۔
رپورٹ کے مطابق اسرائیلی عدالتوں کی جانب سے فلسطینی اسیران کی رہائی کے احکامات صادرکیے جانے کے باوجود حراست گاہوں میں بڑی تعداد موجود ہے۔ ان میں اردن، شام اور دیگر عرب ممالک کے اسیر بھی شامل ہیں، جن میں سے کئی سو قیدی طویل عمر کی سزاؤں کے سزایافتہ ہیں۔
بشکریہ: مرکز اطلاعات فلسطین