اسرائیلی حکومت اور جرمنی کے مابین جدید ترین جوہری آبدوز کی خرید کا معاہدہ بدھ کے روز طے پا گیا ہے۔ اسرائیلی ریڈیو کے مطابق اسرائیلی وزارت دفاع ایھود باراک ان دنوں برلن میں ہیں وہ آج اپنے جرمن ہم منصب ٹوماس ڈی میزییر کے ساتھ ایک نئے عسکری معاہدے پر دستخط کر رہے ہیں۔
اس معاہدے میں جرمنی اسرائیلی بحریہ کو ڈولفن طرز کی چھٹی جوہری ہتھیار لے جانے کی صلاحیت رکھنےوالی آبدوز فراہم کرے گا۔
اس جدید ترین آبدوز میں جوہری مواد رکھنے کے صلاحیت کے ساتھ ساتھ جاسوسی کے جدید ترین آلات بھی نصب ہیں۔ واضح رہے کہ اس وقت اسرائیل کے پاس ڈولفن طرز کی تین آبدوزیں موجود ہیں۔ اسی طرح مزید دو آبدوزیں تیاری کے مراحل میں ہیں۔ توقع کی جارہی ہے یہ آبدوزیں رواں سال کے آخر میں اسرائیل کے سپرد کر دی جائیں گی۔
قبل ازیں جرمنی کی حکومت نے جوہری ہتھیاروں سے لیس آبدوز کو اسرائیل کے فراہم کرنے کے اس معاہدے میں جزوی سرمایہ کاری کا اعلان بھی کیا تھا، جرمنی کا کہنا تھا کہ وہ اسرائیل اس کا قابل ترجیح کسٹمر ہے اور اس طرح کےمعاہدوں سے ثابت ہو گا کہ جرمنی اسرائیل کی سکیورٹی کا بھی امین ہے۔
بشکریہ: مرکز اطلاعات فلسطین