فلسطینی وزیراعظم اسماعیل ھنیہ نے کویت کے فرماں رواں شیخ صباح الاحمد الصباح، ولی عہد نواف الاحمد الصباح اور وزیر اعظم جابرالمبارک الصباح سے ملاقات کی۔
ملاقات میں غزہ حاصر ے کے خاتمے، بجلی کی فراہمی ، تعمیر نو، القدس کے تحفظ اور فلسطینی مفاہمت پر تبادلہ خیال کیا گیا۔
فلسطینی حکومت کے ترجمان طاھر نونو نے منگل کے روز ہونے والی اس ملاقات کے متعلق تفصیلات فراہم کیں اور بتایا کہ کویت کے حکمرانوں نے وزیراعظم اسماعیل ھنیہ کو خالد مشعل اور محمود عباس کے مابین ملاقات میں عبوری نگران حکومت کے قیام پر اتفاق پر مبارک باد پیش کی ہے۔
اس دوران فلسطینی مفاہمت پر ہونے والی حالیہ پیش رفت پر مزید گفتگو کی گئی، کویتی حکمران نے بتایا کہ ان کا ملک فتح اور حماس کے مابین ہونے والی مفاہمت کی کامیابی کا شدید خواہاں ہے۔ فریقین نے اس موقع پر تین سال قبل غزہ پر اسرائیلی حملے میں ہونے والی تباہی کا سدباب کرنے کے لیے تعمیراتی کاموں کے آغاز پر بھی گفتگو کی۔ کویت فرماں روا نے کہا کہ کویت کے ہاں مسئلہ فلسطین کو انتہائی اہمیت حاصل ہے، بالخصوص القدس کو یہودی رنگ میں رنگنے کی اسرائیلی کوششوں پر کویت کو شدید تشویش ہے۔
کویت کے سربراہ نے اعلان کیا کہ ان کا ملک غزہ کی تعمیرنو میں حصہ لے گا۔ انہوں نے غزہ کی اس ساحلی پٹی کو بجلی کی فراہمی میں بھی مدد فراہم کرنے کا عندیہ دیا۔