قومی منصوبہ بندی کمیٹی کے سیکرٹری جنرل اور قاھرہ میں فلسطینی جماعتوں میں کے مابین ہونے والی مفاہمت کے نتیجے میں تشکیل دی گئی
بنیادی آزادیوں کی مانیٹرنگ کمیٹی کے رکن ڈاکٹر مصطفی برغوثی کا کہنا ہے کہ رابطہ کمیٹی آج فلسطینی وزیر اعظم اسماعیل ھنیہ اور صدر محمود عباس سے ملاقات کریگی۔
غزہ کی حکمرانی جماعت حماس اور مغربی کنارے کی فتحاوی اتھارٹی کے مابین قاھرہ میں ہونے والی مفاہمت میں غزہ اور مغربی کنارے کے مابین آزادانہ نقل و حمل کے لیے بنائی گئی کمیٹی نے کام شروع کر دیا ہے۔ تاہم اس کمیٹی کی جانب سے تاحال عملی اقدامات دیکھنے میں نہیں آئے۔ ڈاکٹر برغوثی نے اپنے حالیہ بیان میں عندیہ دیا ہے کہ کمیٹی کے عہدیداران جلد غزہ میں وزیر اعظم اسماعیل ھنیہ اور مغربی کنارے میں صدر محمود عباس سے ملاقات کریں گے۔
جمعہ کی شام ذرائع ابلاغ کے لیے جاری کردہ اپنے بیان میں ڈاکٹر برغوثی کا کہنا تھا کہ کمیٹی اسماعیل ھنیہ اور محمود عباس سے اپنی ملاقات میں ابتک کی دی گئی اپنی تجاویز پر عمل درآمد کی صورتحال پر بات کرے گی۔ کمیٹی کےعہدیداران دی گئی ہدایات کو عملی جامہ پہنانے کی ضرورت پر زور دیں گے۔ بالخصوص دونوں فلسطینی رہنماؤں سے دونوں جانب کے اخباروں کی آزادانہ ترسیل اور سیاسی گرفتاریوں کے خاتمے کی بابت بات چیت ہو گی۔
دوران ملاقات کمیٹی اپنے سپرد کیے گئے دیگر نو معاملات پر ہونے والی پیش رفت بھی دونوں رہنماؤں کے سامنے رکھے گی۔