فلسطین کےعلاقے مقبوضہ مغربی کنارے میں صدر محمود عباس کے زیرکمانڈ عباس ملیشیا نے تین سیاسی قیدیوں کی رہائی کے لیے عدالتی احکامات مسترد کر دیے ہیں۔
مرکزاطلاعات فلسطین کے مطابق طولکرم کی ایک مقامی عدالت نے تین جنوری 2012ء کو تین فلسطینی سیاسی قیدیوں انس محمود رداد، سید زیاد، رداد اور سراج منیر رداد کی ڈیفنس فورس کی قید سے رہائی کا حکم دیا تھا، تاہم انہیں نہ صرف رہا نہیں کیا گیا بلکہ عدالتی احکامات کا مذاق اڑایا گیا ہے۔
ادھر نابلس میں عباس ملیشیا نے حماس کے ایک رکن ڈاکٹر منتصر دویکات کو ایک روز تک سیکیورٹی مرکز میں رکھنے کے بعد رہا کر دیا ہے۔ انہیں حال ہی میں اردن سے واپسی پر گرفتار کیا گیا تھا۔ ڈاکٹردویکات نے اسلامی قانون میں پی ایچ ڈی کی ڈگری حاصل کر رکھی ہے۔
نابلس ہی میں حماس کے رکن خالد الصوصہ کو بھی ان کے گھر پر چھاپے کے دوران حراست میں لے لیا گیا ہے۔ خالد دوسال تک عباس ملیشیا کی جیلوں میں پہلے بھی رہ چکے ہیں۔