اسرائیلی فوج نے اعلان کیا ہے کہ وہ جدید ترین ٹیکنالوجی کا حامل طویل خلاء میں طویل فاصلے تک مار کرنے والے "اینٹی بیلسٹک” میزائل "ھیٹز3″(ایرو) کو تجربے کے لیے تیار کر لیا گیا ہے۔ جلد ہی اسے تجرباتی مشن پر خلاء میں اپنے ہدف پر بھیجا جائے گا۔
اسرائیلی فوج کے زیرانتظام ریڈیو کی رپورٹ کے مطابق "حیٹز3″ میزائل امریکی اسلحہ ساز کمپنی”بوئنگ” کے تعاون سے تیار کیا گیا ہے۔ میزائل کےتجربےسے اسرائیل کی طویل ترین فاصلے تک بیلسٹک میزائلوں کو تباہ کرنے کی صلاحیت کا اندازہ ہو جائے گا۔
رپورٹ کے مطابق کئی یورپی ماہرین اور امریکی اسلحہ ساز فرم کے ماہرین گذشتہ تین سال سے”ھیٹز3″کوجدید ترین خطوط پر تیار کرنے کے لیے کام کر رہے تھے۔ اب میزائل کوچالو حالت میں تیارکر لیا گیا ہے جس کا تجربہ امریکی کمپنی بوئنگ کی ٹیم کی موجودگی میں کیا جائےگا۔
رپورٹ میں بتایا گیا ہے کہ یہ میزائل زمین اور خلاء کے درمیان بنے خلاف سے باہر مصنوعی سیاروں تک پہنچنے اور نہایت بلندیوں سے آنے والے بیلسٹک میزائل کو تباہ کرنے کی صلاحیت رکھتا ہے۔
عبرانی ریڈیوکی رپورٹ کے مطابق یہ میزائل "ھیٹز1” اور "2” سے حجم میں چھوٹا لیکن طاقت میں ان سے کہیں زیادہ سخت ہے۔ میزائل کے کامیاب تجربے کے بعد اسرائیلی فوج طویل فاصلے تک دشمن کے بیلسٹک میزائلوں کو تباہ کرنے کی صلاحیت کے حامل ممالک میں شامل ہو جائے گا۔