مصرنے اسرائیل کی جانب سے عائد الزام کہ حماس صحرائے سینا میں میزائلوں کی تیاری کا ایک اڈا قائم کیے ہوئے ہے کو مسترد کر دیا ہے۔ مصری سیکیورٹی ذرائع کا کہنا ہے کہ قاہرہ اپنی سرزمین پر کسی دوسری تنظیم یا ملک کو کسی قسم کی سرگرمی کی اجازت نہیں دیتا اورنہ ہی مصر کی سرزمین کو کسی دوسرے ملک کےخلاف استعمال کرنےکی اجازت دی جائے گی۔
مرکز اطلاعات فلسطین کے مطابق مصری حکام نے اسرائیلی اخبارات میں آنے والی ان رپورٹس کو بے بنیاد قرار دیا ہے۔
ذرائع کا کہنا ہے کہ مصراور اسرائیل کے مابین ایک امن معاہدہ موجود ہے۔ اس معاہدے کی رو سے مصر ایسا کوئی اقدام نہیں اٹھا سکتا۔
ذرائع کا کہنا ہے کہ سیکیورٹی حکام نے کہا ہے کہ اسرائیلی میڈیا میں آنےوالی اطلاعات کے بعد اپنےسرحدی سیکیورٹی حکام کو بھی الرٹ کر دیا ہے۔
خیال رہے کہ اتوار کے روزاسرائیلی اخبارات میں آنے والی رپورٹ میں الزام عائد کیا گیا تھا کہ حماس نے اسرائیلی فوج کے فضائی حملوں سے بچنے کے لیے مصری صحرائے سیناء اسلحہ سازی بالخصوص راکٹ سازی کا ایک کارخانہ قائم کیا ہے۔
مصرنے واضح کیا ہے اس کے زیرانتظام تمام سرحدی علاقوں کی مکمل نگرانی کی جا رہی ہے۔ اس سلسلے میں اگر اسرائیل کے پاس کوئی ثبوت موجود ہے تو اسے قاہرہ حکومت کو فراہم کیا جائے۔