کادیما پارٹی سے تعلق رکھنے والے رکن اسرائیلی پارلیمان آوی ڈیچر نے پارٹی قیادت پر کرپشن کا الزام لگایا ہے۔ زیپی لیونی کی قیادت میں کادیما پر ایسے الزامات پارٹی میں داخلی انتشار کی نشاہدہی کرتے ہیں۔
عبرانی روزنامے "ہارٹز” نے اپنی منگل کی اشاعت میں کہا ہے کہ اسرائیلی انٹلیجنس کے سابق سربراہ آوی ڈیچر نے کادیما کی سربراہ زیپی لیونی کو شدید تنقید کا نشانہ بنایا۔ اس تنقید کا سبب حکومتی ریکولیٹر کی جانب سے جاری کردہ وہ رپورٹ ہے جس میں متعدد سیاسی جماعتوں کی مالی بے ضابطگیوں کی جانب اشارہ کیا گیا تھا۔
اخبار نے مسٹر ڈیچر کا یہ بیان نقل کیا ہے کہ "کادیما، غیر جمہوری طریقے پر چلائی جا رہی ہے۔ بہ قول سابق انٹلیجنس اعلی عہدیدار پارٹی کے فنڈ غیر قانونی طریقے سے استعمال ہو رہے ہیں جن سے کرپشن کی بو آتی ہے۔