اسلامی تحریک مزاحمت ۔ حماس کے سیاسی شعبے کے سربراہ خالد مشعل نے کہا کہ وہ فلسطینی انتظامیہ کے سربراہ محمود عباس سے اپنی پیش آئند ملاقات کی کامیابی کے خواہاں ہیں۔ خالد مشعل کے بہ قول یہ ملاقات مفاہمت کو عملی شکل دینے اور فلسطین کے داخلی معاملات کو درست نہج پر استوار کرنے میں مدد دے گی۔
ان خیالات کا اظہار خالد مشعل نے "الرسالہ نیٹ” نامی ویب پورٹل کو جاری ایک بیان میں کیا۔ ابو ولید نے مزید کہا کہ میں نہیں چاہتا کہ ملاقات کا معاملہ ذرائع ابلاغ کا میں زیر بحث نہیں لانا چاہتا، تاہم اس کی تاریخ جلد طے کر لی جائے گی۔”
دوسری جانب خالد مشعل نے تمام فلسطینیوں کو عید کی مبارکباد دیتے ہوئے کہا ہے کہ سخت مصائب کے باوجود کامیابی آپ کے قدم چومے گی۔
ابو ولید نے فلسطینیوں پر زور دیا ہے کہ وہ متحدہ موقف پر صبر و ثبات سے قائم رہیں۔ مزاحمت کے نت نئے طریقے اپنائیں تاکہ فلسطین کا قومی منصوبہ کامیاب اور فلسطینی عوام کے مقاصد پورے ہو سکیں۔