اسرائیلی ذرائع ابلاغ میں شائع ایک خفیہ مراسلے میں انکشاف کیا گیا ہے کہ فلسطینی انتظامیہ کےموجودہ سربراہ محمود عباس المعروف ابو مازن نے سابق فلسطینی لیڈر یاسرعرفات کا تختہ الٹنے اور انہیں ٹھکانے لگانے
کے لیے اسرائیل سے خفیہ مذاکرات کیے تھے۔
مرکزاطلاعات فلسطین کے مطابق اسرائیلی اخبارات میں شائع ایک خفیہ مراسلے میں بتایا گیا ہے کہ سابق وزیراعظم ایرئیل شیرون کے دور حکومت میں اس وقت کے فلسطینی وزیراعظم محمود عباس کے اسرائیلی وزیرخارجہ شمعون پیریز کےدرمیان خفیہ مذاکرات ہوتے رہے۔ خیال رہے کہ اس وقت محمود عباس فلسطینی انتظامیہ کے صدر جبکہ شمعون پیریز اسرائیل کے صدر ہیں۔
یاسرعرفات سے ماواء ان مذاکرات میں فلسطینی اتھارٹی کے سابق صدر یاسرعرفات کا تختہ الٹنے اور ان کی جگہ محمود عباس کو فلسطینی انتظامیہ کا سربراہ مقرر کرنے پربات چیت ہوتی رہی۔
اسرائیلی اخبار”یدیعوت احرونوت” کی رپورٹ کے مطابق یہ خفیہ مراسلہ اسرائیلی کابینہ کے ایک اجلاس میں بھی پڑھ کرسنایا گیا تھا جس میں اجلاس کو بتایا گیا تھا کہ اسرائیلی حکام کے محمود عباس کے ساتھ یاسرعرفات کو ہٹانے کے لیے مذاکرات ہو رہے ہیں۔