فلسطین کی سب سے بڑی مذہبی اور منظم سیاسی جماعت اسلامی تحریک مزاحمت”حماس” کے ذرائع نے اطلاع دی ہے کہ تنظیم کے سیاسی شعبے کے سربراہ خالد مشعل اور صدر محمود عباس کے درمیان قاہرہ میں ملاقات کی تیاریاں کی جا رہی ہیں۔ یہ ملاقات حماس اور اسرائیل کےدرمیان قیدیوں کے تبادلے کی ڈیل پرعمل درآمد سے قبل قاہرہ میں ہو گی۔
حماس کے ایک سینیئرعہدیدار نے نام ظاہر نہ کرنے کی شرط پر مرکز اطلاعات فلسطین کوبتایا کہ خالد مشعل اور صدرعباس کےدرمیان ملاقات کے لیے جگہ اور وقت کا تعین کرنے پرغور کیا جا رہا ہے۔ حماس اور فتح کی مرکزی قیادت کے دونوں پارٹی سربراہان کے درمیان ملاقات کے لیے رابطے بھی ہوئے ہیں۔
حماس کے ایک ذریعے کا کہنا ہےکہ خالد مشعل اور صدر عباس کے درمیان ملاقات پیش آئند ہفتے قاہرہ میں ہونے کاامکان ہے، اور یہ ملاقات اسرائیلی جیلوں سے قیدیوں کے تبادلے کے معاہدے کے تحت رہائی پانے والوں کی پہلی کھیپ کی رہائی سے قبل ہو گی۔
ذرائع کے مطابق دونوں رہ نماؤں کے مابین ملاقات میں اس سال مئی میں طے پائے مفاہمتی معاہدے پرعمل درآمد کے سلسلےمیں بھی بات چیت کی جائے گی۔
اس موقع پر خالد مشعل اسرائیل کے ساتھ قیدیوں کی ڈیل کے بارے میں صدرمحمود عباس کو تفصیلات سے آگاہ کریں گے۔