ترک وزیراعظم رجب طیب ایردوان کی والدہ "تنزیلہ ایردوآن” کو نہایت سادگی کے ساتھ انقرہ میں سپرد خاک کر دیا گیا۔
مرکز اطلاعات فلسطین کے مطابق والدہ کی وفات کے بعد وزیراعظم طیب ایردوان نے تمام سرکاری مصروفیات ختم کر دی تھیں۔
انہوں نے والدہ کی تدفین کے موقع پر بطور وزیراعظم کسی قسم کے سیکیورٹی پروٹوکول کے بغیر والدہ کی آخری رسومات میں شرکت کی۔ وہ خود اپنی والدہ کے جنازے کو کندھا دے استنبول کے ایک قبرستان لے گئے جہاں انہوں نے میت کوخود اپنے ہاتھوں سے قبر میں اتارا۔ عام طور پر کسی بھی شخص کے جنازے کے جلوس میں وزیراعظم یا صدر کی شرکت اس طرح ہوتی ہے کہ اس کے آگے پیچھے وزراء کی گاڑیاں ہوتی ہیں جنہیں پولیس اور قانون نافذ کرنے والے اداروں کے سیکورٹی سکواڈ نے گھیرے میں لیے ہوتا ہے لیکن رجب طیب ایردوان نے اس طرح کے کسی پروٹوکول کی پرواہ کیے بغیر اپنی والدہ نماز جنازہ اور تدفین کی رسومات میں شرکت کی۔
خیال رہے کہ ایردوآن کی والدہ تنزیلہ ایردوان جمعہ کو علی الصباح استنبول کے ایک اسپتال میں انتقال کر گئی تھیں۔ ان کی عمر اسی برس تھی۔ وہ کئی ماہ سے اسپتال میں زیرعلاج تھیں اور آخری ایام میں کی سرجری بھی ہوئی تھی، تاہم وہ جاں بر نہ ہو سکیں اور جمعہ کو خالق حقیقی سے جا ملی تھیں۔