مقبوضہ فلسطین کے سنہ 1948ء کے اسرائیلی قبضے میں چلے گئے علاقے”صحرائے نقب” میں مقامی شہریوں اور سول
سوسائٹی کی اپیل پر جمعرات کو پہیہ جام ہڑتال کی۔
ہڑتال کے دوران صحرائے نقب میں تمام بازار اور کارباری مراکز بند رہے سڑکوں پر ٹریفک نہ ہونے کے برابر رہی۔
مرکز اطلاعات فلسطین کے مطابق صحرائے نقب میں ہڑتال کی کال قابض اسرائیلی حکومت کی جانب سے علاقے کے تیس ہزار شہریوں کو نکالنے کے منصوبے کے خلاف بطور احتجاج کیا گیا تھا۔
ہڑتال کے دوران مقبوضہ صحرائے نقب کے تمام شہری اور دیہاتی علاقوں کے اسکول بھی بند رہے۔ اس دوران مختلف علاقوں میں احتجاجی ریلیاں اور مظاہرے بھی ہوئی ہیں۔
خیال رہے کہ چند ماہ قبل اسرائیل نے مقبوضہ صحرائے نقب کے تمام شہروں کو فلسطینیوں سے خالی کرنے کی ایک سازش تیار کی تھی۔ اس سازش کے تحت فلسطینی علاقوں سے تیس ہزار کے قریب باشندوں کو نکال باہر کرنا ہے۔ اسرائیلی حکومت کےاس فیصلے کے منظرعام پر آنے کے بعد صحرائے نقب کےشہریوں میں خوف و ہراس کی کیفیت پائی جا رہی ہے۔