اسلامی تحریک مزاحمت (حماس) نے اسرائیلی جیل سے 7فلسطینی اراکین پارلیمنٹ کی رہائی کو مزاحمت کی کامیابی قراردیاہے- حماس کی طرف سے جاری بیان میں کہا گیا ہے کہ اسرائیل یرغمالی فوجی گیلادشالیت کی رہائی کے لیے فلسطینی مزاحمتی جماعتوں پر دباؤ ڈالنے میں ناکام ہو گیا ہے- بیان کے مطابق فلسطینی عوام کی جانب سے بیت المقدس ، الخلیل، جنین اور بیت لحم میں اسرائیلی قید سے رہا ہ ونے والے فلسطینی اراکین پارلیمنٹ کا پرتپاک استقبال اس بات کی دلیل ہے کہ اسرائیلی اور فلسطینی اتھارٹی ظالمانہ کارروائیوں کے باوجود حماس فلسطینیوں کے دلوں میں زندہ ہے – واضح رہے کہ اسرائیل نے گزشتہ روز حماس کے مزید 7 اراکین پارلیمنٹ کو رہا کر دیا ہے- اسرائیل نے جون 2006ء میں اسرائیلی فوجی گیلاد شالیت کے یرغمال بنائے جانے کے بعد حماس کے 40 سے زائد اراکین پارلیمنٹ کو اغوا کیا تھا- اسرائیلی حکومت نے متعدد اراکین کو وقفے وقفے سےرہا کیا- ابھی بھی 15فلسطینی اراکین پارلیمنٹ اسرائیلی جیلوں میں قید و بند کی صعوبتیں برداشت کر رہے ہیں –
