اسرائیلی فوجی اہلکاروں کی بڑی تعداد نے گولیوں کی گھن گرج میں ضلع جنین کے ایک فلسطینی کیمپ پر حملہ کردیا، فوجی اہلکار ایک گھر میں گھس گئے اور ایک شہری کو گرفتار کر کے ان کے گھر پر پڑے پیمانے پر توڑ پھوڑ کی۔ مغربی کنارے کے شمالی ضلع جنین میں جارحیت کا شکار ہونے والے کیمپ میں موجود عینی شاہدین کے مطابق فوج کی لگ بھگ تیس گاڑیوں نے علاقے پر دھاوا بولا اور کئی گھنٹوں کی کارروائی کے بعد 18 سالہ ایمن محمد سعید حنون کو حراست میں لے لیا، اس دوران فوجیوں نے ان کے اہل خانہ کو ٹھٹھرتی سردی میں گھر سے نکال کر گھر کی تلاشی شروع کی اور بڑے پیمانے پر توڑ پھوڑ بھی کی۔