جہاد اسلامی کے سیکرٹری جنرل رمضان عبداللہ شلح نے صدر محمود عباس کی جانب سے انتخابات آنئدہ سال جنوری میں کرانے کے فیصلے کو مسترد کرتے ہوئے اسے فلسطینی عوام کے خلاف گھناؤنی سازش قرار دیا ہے۔ ہفتے کے روز مختلف فلسطینی جماعتوں کے مشترکہ اجلاس سے خطاب کرتے ہوئے انہوں نے کہا کہ محمود عباس ایک غیر آئینی سربراہ مملکت ہیں، ان کی اپنی کوئی حیثیت نہیہں ان کے انتخابات کرانے کے فیصلے کی کیا وقعت ہوسکتی ہے۔ عبداللہ شلح نے مزید کہا کہ محمود عباس کے فیصلے کو پوری قوم مسترد کرتی ہیں کیونکہ ان کایہ اقدام پوری قومی آواز کے برعکس فیصلہ ہے، اس خطرناک فیصلے کے منفی نتائج کے وہ خود ذمہ دارہوں گے۔ انہوں نے کہا کہ مفاہمت سے قبل انتخابات ایک نئی بدعت اورقوم کے ساتھ دوھوکہ ہے، جسے آئینی طور پرکوئی قبولیت حاصل نہیں ہوسکتی۔ جب تک اسرائیل غزہ سے معاشی ناکہ بندی نہیں اٹھا لیتا اور فلسطینی جماعتوں کے درمیان مفاہمت قائم نہیں ہوجاتی انتخابات کا اعلان بے سود رہے گا
