غزہ کی پٹی اور مصر کے درمیان سرحد پر ایک سرنگ میں دھماکے کے نتیجے میں کم ازکم پانچ افراد شدید زخمی ہو گئے ہیں. فلسطینی میڈیکل و ایمرجنسی سروسز کے مطابق غزہ کی سرحد زیرزمین ایک سرنگ میں کام کرنے والے پانچ زخمیوں کو شہر کے ایک اسپتال میں منتقل کیا گیا جہاں ان میں سے تین کی حالت خطرے میں بتائی گئی ہے. دوسری جانب غزہ حکومت کے محکمہ داخلہ کا کہنا ہے کہ وہ یہ جاننے کی کوشش کر رہے ہیں کہ آیا دھماکے کی وجووہات کیا تھیں. تاہم ذرائع کا کہنا ہے کہ سرنگ میں دھماکہ بارود کے پھٹنے سے ہوا جس میں پانچوں مزدور شدید زخمی ہو گئے. خیال رہے کہ غزہ کی پٹی کی پانچ سال سے جاری معاشی ناکہ بندی اور سرحدوں کے بند ہونے کے بعد مقامی شہری مجبوراً غزہ کی سرحد سے زیر زمین سرنگوں کے ذریعے اپنی ضرورت کی اشیاء غزہ لے کر آتے ہیں.مصرنے غزہ کی بین الاقوامی دنیا سے ملانے والی واحد بارڈر رفح کراسنگ پھاٹک بھی بند کر رکھا ہے جسے بہت کم وقت کے لیے کھولا جاتا ہے.