فلسطینی شہر غزہ کی پٹی میں اسرائیل کی جانب سے مسلط کرنا معاشی ناکہ بندی کے باعث شہر میں بڑی مقدار میں بنیادی ضرورت کی ادویات کی شدید قلت پائی جارہی ہے. غزہ میں وزارت صحت نے خبردار کیا ہے کہ غزہ کے اسپتالوں میں 137 اقسام کی ادویات ناپید ہیں جبکہطبی شعبے کی 150 ضروری اشیاء بھی ختم ہو چکی ہیں. مرکز اطلاعات فلسطین کے مطابق غزہ میں وزارت صحت کے ڈائریکٹر برائے ڈسپنسریز منیر البرش نے اپنے ایک بیان میں کہا کہ غزہ میں اسپتالوں میں کینسر ،جگر اور زجگی کے ایوارڈ میں ادویات ختم ہو گئی ہیں جس کے باعث کئی اسپتالوں میں ایمرجنسی نافذ کی گئی ہے. ادویات کی قلت کے باعث مریضوں کو سخت مشکلات کا سامنا ہے جبکہ آپریشن اور میڈیکل کے استعمال کا ضروری ساز و سامان ختم ہونے سے طبی عملے کو علاج معالجے میں دشواریوں کا سامنا ہے. البرش نے عالمی برادری سے مطالبہ کیا کہ وہ غزہ میں اسرائیل کی معاشی ناکہ بندی کے باعث پیدا ہونے والی صورت حال میں فوری طبی امداد کو یقینی بنائے. اس کےعلاوہ اسرائیل پر دباٶ ڈالا جائے کہ وہ غزہ کی معاشی ناکہ بندی فوری طور پر ختم کرے تاکہ شہریوں کی مشکلات کو کم کیا جا سکے.