مقبوضہ بیت المقدس – (روزنامہ قدس ـ آنلائن خبر رساں ادارہ) قابض اسرائیلی انٹیلی جنس نے بیت المقدس کی مرابطہ هنادي الحلواني پر عائد سفری پابندی کے حکم نامے میں ایک ماہ کی توسیع کر دی ہے، جسے چھ ماہ تک بڑھایا جا سکتا ہے، یہ ان مسلسل پابندیوں کا حصہ ہے جو ان پر مسلط کی جا رہی ہیں۔
قابض انٹیلی جنس نے الحلوانی کو مقبوضہ بیت المقدس کے ایک تفتیشی مرکز میں طلبی کا نوٹس بھیجا اور تفتیش کے بعد انہیں سفری پابندی کی تجدید کا فیصلہ تھما دیا۔
قابض حکام کئی سالوں سے الحلوانی پر مسلسل پابندیاں عائد کیے ہوئے ہیں، جن میں ملک سے باہر سفر کرنے پر پابندی کے ساتھ ساتھ مبارک مسجد اقصیٰ سے بے دخلی بھی شامل ہے۔
قابض پولیس الحلوانی کو دیگر فلسطینی شخصیات اور مرابطین سے رابطہ کرنے سے بھی روکتی ہے، جو کہ مسجد اقصیٰ اور مقبوضہ بیت المقدس میں ان کی سرگرمیوں اور موجودگی کو نشانہ بنانے والے اقدامات کا ایک سلسلہ ہے۔
