جرمن صدر کرسٹن وولف نے اپنے دورہ اسرائیل کے دوران اسرائیلی صدر شمعون پیریز سے ملاقات کی. ملاقات کے بعد ایک مشترکہ نیوز کانفرنس سے خطاب کرتے ہوئے جرمن صدر نے اسرائیلی صدر کو یقین دلایا کہ ان کا ملک اسرائیل کی سلامتی کی ذمہ داری اپنے کندھوں پر اٹھانے کو تیار ہے،
مرکز اطلاعات فلسطین کے مطابق جرمن صدر کا کہنا تھا کہ وہ اسرائیل کے ساتھ دفاع سمیت ہر شعبے میں تعاون جاری رکھیں گے اور اسرائیل کو درپیش تمام خطرات کے انسداد کے لیے تل ابیب کی مدد کریں گے.
جرمن صدر کا کہنا تھا کہ ان کے ملک کو اسرائیل کو درپیش مشکلات اور مسائل کا اندازہ ہے اور وہ اسرائیل کی ہرممکن مدد کر رہے ہیں. مسٹرکرسٹن کا کہنا تھا جرمنی اسرائیل کی سلامتی کو یقینی بنانا اپنی ذمہ داری سمجھتا ہے اور وہ اس ذمہ داری کو بخوبی نبھاتا رہے گا.
خیال رہے کہ جرمن صدر ہفتے کو تل ابیب پہنچے تھے. اپنے تین روزہ دورے کے دوران اتوار کو انہوں نے اپنے اسرائیلی ہم منصب سے ملاقات کی. کل پیر کو وہ صہیونی وزیراعظم بنجمن نیتن یاھو سے ملیں گے.