بیروت – (روزنامہ قدس ـ آنلائن خبر رساں ادارہ) لبنانی وزارت صحت نے تصدیق کی ہے کہ گذشتہ 2 مارچ سے جاری قابض اسرائیل کی خونی اور وحشیانہ جارحیت کے نتیجے میں شہدا کی مجموعی تعداد 3711 ہو گئی ہے اور 11483 مظلوم انسان زخمی ہو چکے ہیں۔
غاصب صہیونی دشمن کے جنگی طیاروں نے جنوبی لبنان کے قصبوں اور شہروں اور ملک کے مشرقی حصے میں واقع بعلبک کے وسیع و عریض علاقوں پر مہیب فضائی حملے کیے۔
لبنان کی قومی خبر رساں ایجنسی نے اس لرزہ خیز صورتحال کی تصدیق کرتے ہوئے بتایا ہے کہ دشمن کا ایک غاصب ڈرون طیارہ جو "HERON 1” نسل کا تھا، بلدہ نحلہ کے پہاڑی مضافاتی علاقوں میں مار گرایا گیا ہے، جسے قابض اسرائیل کے طیاروں نے شام کے تقریباً ساڑھے چار بجے دو وحشیانہ حملوں کا نشانہ بنایا تھا اور ان سفاکانہ حملوں کے نتیجے میں ایک اور لبنانی جگر گوشہ جامِ شہادت نوش کر گیا۔
