مقبوضہ مغربی کنارہ – (روزنامہ قدس ـ آنلائن خبر رساں ادارہ) گذشتہ ایک ہفتے کے دوران مقبوضہ مغربی کنارے اور مقبوضہ بیت المقدس میں قابض اسرائیلی فوج اور آبادکاروں کے خلاف فلسطینی عوامی مزاحمتی سرگرمیوں کا سلسلہ جاری رہا۔
مرکز معلومات فلسطین “معطیٰ” کی جانب سے جاری اعداد و شمار کے مطابق مختلف علاقوں میں قابض اسرائیلی فوجیوں اور آبادکاروں کو نشانہ بناتے ہوئے 54 مزاحمتی کارروائیوں کی دستاویز بندی کی گئی۔
مرکز نے وضاحت کی کہ ان سرگرمیوں کے دوران آبادکاروں کی تین گاڑیوں کو نقصان پہنچایا گیا، جب کہ فلسطینی شہریوں اور ان کی املاک کے خلاف آبادکاروں کے 13 حملوں کا مقابلہ بھی کیا گیا۔
رپورٹ کے مطابق مزاحمتی سرگرمیوں کا مرکز مغربی کنارے اور مقبوضہ بیت المقدس کے 38 مقامات رہے، جہاں جھڑپیں ہوئیں اور قابض اسرائیلی فورسز پر پتھراؤ کے واقعات پیش آئے۔
مرکز نے زور دے کر کہا کہ یہ سرگرمیاں زمین اور فلسطینی املاک کے دفاع کے لیے جاری عوامی کوششوں کا حصہ ہیں جو قابض اسرائیلی اقدامات اور آبادکاروں کے حملوں کے ردعمل میں سامنے آ رہی ہیں۔
