رفح اور خان یونس میں ظالمانہ صہیونی فائرنگ سے دو فلسطینی شہید

(روزنامہ قدس ـ آنلائن خبر رساں ادارہ) قابض اسرائیلی فوج کی درندگی کے نتیجے میں اتوار کی شام دو فلسطینی شہری جامِ شہادت نوش کر گئے۔ ان میں سے ایک شمال مغربی رفح میں اور دوسرا خان یونس کے مشرقی علاقے معن میں قابض فوج کی گولیوں کا نشانہ بنا۔

رفح کے شمال مغربی علاقے میں ایک شہری اس وقت شہید ہوا جب وہ اپنے تباہ شدہ گھر کا حال دیکھنے کے لیے واپس لوٹا تھا۔ اسی طرح خان یونس کے مشرقی علاقے معن میں اتوار کی شام قابض اسرائیلی فوج کی فائرنگ سے ایک اور فلسطینی نوجوان شہید ہو گیا۔

فلسطینی وزارتِ صحت نے اتوار کو جاری کردہ اپنے بیان میں بتایا کہ گزشتہ چوبیس گھنٹوں کے دوران غزہ کے مختلف ہسپتالوں میں ایک سو چوبیس شہداء کی لاشیں لائی گئیں جن میں سے ایک سوسترہ شہداء کو ملبے کے نیچے سے نکالا گیا، جبکہ تینتس زخمی بھی مختلف زخموں کے ساتھ ہسپتالوں میں لائے گئے۔

فلسطینی سرکاری اعداد و شمار کے مطابق، قابض اسرائیل کی جانب سے غزہ پر مسلط کی گئی فوجی جارحیت کے آغاز، یعنی ساتھ اکتوبر 2023 سے اب تک، شہداء کی مجموعی تعداد سڑسٹھ ہزارآٹھ سوچھ تک پہنچ گئی ہے جبکہ ایک لاکھ ستر ہزار چھیاسٹھ فلسطینی مختلف درجات کے زخموں سے دوچار ہوئے ہیں۔