(روزنامہ قدس ـ آنلائن خبر رساں ادارہ) قابض اسرائیلی فوجیوں نے فلسطینی صحافی صالح الجعفری کوکئی گھنٹے قید رکھنے کے بعد گولیاں مار کر شہید کردیا۔تفصیلات کے مطابق قاتل ناجائز ریاست اسرائیل نے غزہ میں فلسطینی صحافی صالح الجعفری کوشہید کر دیا صحافی کو کئی گھنٹے قید رکھنے کے بعد شہید کیا گیا۔
قابض اسرائیلی فوجیوں نے صحافی صالح کو سات گولیاں ماریں صالح نے جنگ بندی پرجشن کی وڈیوبھی پوسٹ کی تھی۔
مقامی میڈیا کا کہنا ہے گزشتہ دو سال کے دوران سفاک اسرائیلی فوجی ترجمان اور غاصب اسرائیلی سوشل میڈیا انلفوئنسرز کی جانب سے صالح الجعفری کو بارہا دھمکیاں دی گئی تھیں۔
فلسطینی میڈیا نے کہا کہ حماس کی جانب سے غزہ میں جنگ بندی کے بعد ظالم صہیونی نواز گروہوں کے خلاف سخت کارروائی کی جارہی ہے ان گینگز پر الزام ہےکہ انہوں نے دوران جنگ غاصب اسرائیلی فوج کے ساتھ ساز باز کی، غزہ میں داخل ہونے والی امداد پر قبضہ کیا اور اسے مہنگی قیمت پر فروخت کیا۔
