(روزنامہ قدس ـ آنلائن خبر رساں ادارہ) لبنان میں تعینات عالمی امن فوج کے دستوں پر قاتل اسرائیلی فوجی ڈرون سے دستی بم پھینکے گئے۔
غیر ملکی خبررساں ادارے کے مطابق اقوام متحدہ کی جانب سے لبنان میں تعینات عالمی امن دستے (یو این ایف آئی ایل) پر اس وقت حملہ کیا جب وہ قابض اسرائیل اور لبنان کی سرحد کے قریب لبنانی فوج کے ساتھ کام میں مصروف تھے۔
عالمی امن دستے فائر بندی کے بعد جنگ زدہ علاقے میں لبنانی فوج کی معاونت کے لیے تعینات ہیں۔ امن دستے کی جانب سے حالیہ واقعہ کے حوالے سے بتایا گیا کہ غاصب اسرائیلی ڈرون نے ان پر چاردستی بم پھینکے تاہم ان سے کوئی نقصان نہیں ہوا۔
عالمی امن فوج کی جانب سے یہ بھی بتایا گیا کہ ان کی جانب سے اس علاقے میں امن دستوں کی موجودگی کے حوالے سے قابض قاتل فوج کو پہلے ہی آگاہ کردیا گیا تھا۔
