غزہ میں القسام نے صہیونی ٹینک اور بلڈوزر تباہ کردیا

(روزنامہ قدس ـ آنلائن خبر رساں ادارہ) اسلامی تحریک مزاحمت حماس کے عسکری ونگ القسام بریگیڈز نے اعلان کیا کہ اس کے مجاہدین نے مغربی غزہ کے ساحلی پٹی میں واقع الشاطی کیمپ کے علاقے میں مسجد اسامہ کے قریب قابض اسرائیل کے ایک میرکاوا ٹینک اور ایک فوجی بلڈوزر کو نشانہ بنایا ہے۔

القسام بریگیڈز نے اپنی ٹیلیگرام سائٹ پر جاری بیان میں کہا کہ محاذوں سے لوٹنے والے ہمارے جانباز مجاہدین نے تصدیق کی ہے کہ انہوں نے مسجد اسامہ کے اطراف ایک صہیونی میرکافہ ٹینک کو الیاسین ایک سو پانچ راکٹ اور العمل الفدائی دھماکہ خیز آلے سے نشانہ بنایا اور ایک ڈی نوبلڈوزر کو تاندوم میزائل سے کامیابی کے ساتھ تباہ کیا۔

مزید یہ کہ القسام بریگیڈز نے اپنی آپریشنل سیریز “عصا موسیٰ کے تحت جاری کردہ فوٹیج میں دکھایا ہے کہ کس طرح تل الہوا کے علاقے میں ایک اور میرکافہ ٹینک کو الیاسین ایک سو پانچ سے نشانہ بنایا گیا۔

واضح رہے کہ القسام بریگیڈز اور فلسطینی مزاحمتی دھڑے معرکہ طوفان الاقصی کے تحت قابض اسرائیل کی گھس بیٹھی فوج اور ان کی جارحانہ مشینری کے خلاف مسلسل مزاحمت کر رہے ہیں اور اس درندہ صفت دشمن کی جانب سے دو برس سے زائد عرصے سے جاری خونریز اور تباہ کن جنگ کا مقابلہ کر رہے ہیں۔