سرایا القدس کا حملہ، خفیہ قاتل یونٹ اور مرکاوہ ٹینک تباہ

(روزنامہ قدس ـ آنلائن خبر رساں ادارہ) اسلامی جہاد کے عسکری ونگ سرايا القدس نے اعلان کیا ہے کہ اس کے مجاہدین نے گذشتہ روز غزہ شہر کے محاصرے میں گھرے شیخ رضوان محلہ میں یازجی ہال کے قریب ایک تباہ کن کارروائی میں قابض اسرائیل کی جدید ترین میرکافا ٹینک کو بارودی دھماکے سے مکمل طور پر تباہ کر دیا۔

غزہ پر قابض اسرائیلی فوج کی مسلط کردہ سخت ناکہ بندی اور مسلسل فضائی و زمینی بمباری کے باوجود فلسطینی مزاحمتی تنظیمیں دشمن کے خلاف بہادری سے ڈٹ کر لڑ رہی ہیں۔ سرايا القدس کے مجاہدین نے شہر کے جنوبی حصے میں ایک خفیہ قاتل اسرائیلی یونٹ کی دراندازی کی کوشش کو بھی ناکام بنا دیا اور اس کارروائی کی ویڈیو جاری کی جو گذشتہ ماہ کے آخر میں ریکارڈ کی گئی تھی۔

ظالم اسرائیلی یونٹ کے پسپا ہونے کے بعد سرايا القدس نے عبرانی زبان میں تحریر شدہ فوجی کپڑے، ساز و سامان اور مواصلاتی آلات کے ملبے کی جھلکیاں بھی پیش کیں۔

دوسری جانب حماس کے عسکری ونگ القسام بریگیڈز نے اعلان کیا کہ انہوں نے قابض اسرائیل کی عربات جدعون دو نامی جارحانہ فوجی مہم کے مقابلے میں “عصا موسیٰ” کے عنوان سے ایک سلسلہ وار مزاحمتی کارروائیاں شروع کی ہیں جس کا مقصد قابض اسرائیل کے غزہ شہر پر قبضے کی سازش کو ناکام بنانا ہے۔

القسام بریگیڈز کے ایک اعلیٰ کمانڈر نے الجزیرہ کو بتایا کہ یہ آپریشن سب سے پہلے غزہ شہر کے الزيتون محلہ اور شمالی علاقے جبالیا میں شروع کیے گئے تھے بالکل اسی وقت جب قابض اسرائیلی فوج نے اپنی وسیع جنگی کارروائی کا آغاز کیا تھا۔