خلیج تعاون کونسل کا قطر سے اظہار یکجہتی، قابض اسرائیلی حملے کے بعد ممکنہ ردعمل کی حمایت

(روزنامہ قدس ـ آنلائن خبر رساں ادارہ) خلیج فارس تعاون کونسل نے ظالمانہ اسرائیلی فضائی حملے کے بعد قطر کے ہر ممکنہ ردعمل کی مکمل حمایت کرنے کا اعلان کیا ہے۔

کونسل کے سیکرٹری جنرل جاسم البدیوی نے کہا کہ رکن ممالک قطر کے ساتھ بھرپور یکجہتی کا اظہار کرتے ہیں اور اس کے تمام اقدامات کی پشت پناہی کریں گے۔

قطر میں مقیم حماس قیادت کو نشانہ بنانے کے لیے صہیونی حملے کے بعد ایران، برطانیہ، جرمنی، اور وینیزویلا سمیت متعدد ممالک نے اس کارروائی کی مذمت کی ہے۔

یاد رہے کہ منگل کو قابض اسرائیلی فوج نے دوحہ میں حماس کے رہنماؤں کو نشانہ بنایا ہے۔