ٹرمپ: قطر پر حملے کا فیصلہ میرا نہیں، نیتن یاہو کا تھا

(روزنامہ قدس ـ آنلائن خبر رساں ادارہ) امریکی صدرڈونلڈ ٹرمپ نےسفاک صہیونی حکومت کے قطر میں حملے پر ردعمل دیتے ہوئے ٹروتھ سوشل پر لکھا کہ یہ حملہ جنگی مجرم نیتن یاہو کا ذاتی فیصلہ تھا اور اس میں میرا کوئی کردار نہیں تھا۔

ٹرمپ نے مزید کہا کہ میں نے امیر اور وزیر اعظم قطر سے بات کی اور انہیں یقین دلایا کہ مستقبل میں قطر میں اس طرح کا واقعہ دوبارہ نہیں ہوگا۔ قطر بہادری کے ساتھ اور خطرہ قبول کرتے ہوئے ہمارے ساتھ امن کے ثالثی کے لیے کوشش کر رہا ہے۔

امریکی صدر نے کہا میں قطر کو امریکہ کا مضبوط اتحادی اور دوست سمجھتا ہوں اور اس بات پر گہرے افسوس کا اظہار کرتا ہوں کہ یہ حملہ قطر میں ہوا۔ میں نے وِٹکاف کو ہدایت دی تھی کہ قابض اسرائیل کے حملے کی اطلاع قطری حکام کو دی جائے، لیکن افسوس کہ یہ انتباہ دیر سے پہنچا!