(روزنامہ قدس ـ آنلائن خبر رساں ادارہ) یمن کی تحریک انصار اللہ نے قابض اسرائیل کے تین حساس مقامات پر ڈرون حملے کئے۔
یمن کی مسلح افواج نے بتایا کہ فضائیہ کے ڈرون طیاروں نے کارروائی میں تین ہدف کو نشانہ بنایا ،یافا میں بن غوریون(لد)ہوائی اڈہ، ام الرشراش (ایلات)میں رامون ہوائی اڈہ، اور دیمونا میں ایک حساس ہدف کو نشانہ بنایا گیا۔
مسلح افواج نے کہا کہ یہ کارروائی اپنے تمام اہداف میں کامیاب رہی۔تحریک انصار اللہ نے اس کارروائی کو فلسطینی عوام اور ان کے مجاہدین کے لیے فتح قرار دیتے ہوئے کہا کہ یہ قابض صہیونی دشمن کی جانب سے فلسطینیوں پر ڈھائے جانے والے اجتماعی قتل ِعام اور قحط مسلط کرنے کے جرائم کے جواب میں کی گئی۔
یمنی حکومت نے فتح الموعود اور مقدس جہاد میں فلسطینی موقف کے ساتھ یکجہتی کا اعادہ کیا۔انصار اللہ نے فلسطینی مزاحمت کی القدس اور غزہ میں کی جانے والی کارروائیوں کو بھی سراہا اور کہا کہ یہ کارروائیاں فلسطینی عوام کی قوت، نوجوانوں کی صلاحیت کو ظاہر اور یہ قابض صہیونی دشمن کی سخت ترین سکیورٹی کے باوجود ان کی کمزوری کو آشکار کرتی ہیں۔ یمن سے آنے والے ڈرون طیاروں کے باعث ہنگامی الارم بج اٹھے۔
