غزہ مظالم پر برطانیہ کا صہیونی حکام کو دفاعی نمائش سے خارج کرنے کا فیصلہ

(روزنامہ قدس ـ آنلائن خبر رساں ادارہ) برطانوی حکومتی حکام کا کہنا ہے کہ غزہ نسل کشی پر برطانیہ اور قابض اسرائیل کے درمیان بگڑتے ہوئے سفارتی تعلقات کے تناظر میں صہیونی سرکاری نمائندوں کو لندن آرمز فیئر میں مدعو نہیں کررہے۔

برطانوی حکام نے کہا کہ غاصب اسرائیل کی جانب سے غزہ میں کارروائیوں کو مزید تیز کرنے کا فیصلہ غلط ہے فوری سیز فائر اور سفارتی حل کے ساتھ اس نسل کش جنگ کا خاتمہ ہونا چاہیے۔

برطانوی منافقانہ پالیسی کے مطابق سرکاری حکام کو مدعو نہ کیے جانے کے باوجود سفاک اسرائیلی دفاعی کمپنیاں اس ایونٹ میں شرکت کر سکیں گی۔

لندن میںنوستمبرسے شروع ہونے والا آرمز فیئر بارہ ستمبر تک جاری رہےگا۔ واضح رہے کہ غزہ میں تقریباً دو سال سے جاری قابض اسرائیلی حملوں میں باسٹھ ہزار سے زائد فلسطینی شہید ہوچکے ہیں اور ایک لاکھ پچاس ہزار زخمی ہوئے۔