(روزنامہ قدس ـ آنلائن خبر رساں ادارہ) صیہونی سفاک حکومت کے ٹی وی چینل کے انکشاف کے مطابق قابض رجیم کی وزارت ِجنگ نے غزہ شہر پر قبضے کے لیے گیڈیون 2 آپریشنل پلان کی منظوری کے ساتھ ہی جنگی سازوسامان کی مرمت اور توسیع کا فیصلہ کیا ہے۔
صیہونی حکام کے مطابق فوج کو نئے آلات کی خریداری کے لیے مختص کردہ بجٹ کے وسائل کا ایک حصہ صحت، بہبود اور ٹیکس چھوٹ کے بجٹ میں کمی سے حاصل کیا جائے گا۔ نیز، 2026 سے وزارتوں کے بجٹ میں اوسطاً 3.35 فیصد کمی کی جائے گی۔
صیہونی میڈیا نے پورٹ کیا ہے کہ غزہ جنگ کی لاگت اب تک اکیاسی ارب ڈالر سے تجاوز کر چکی ہے۔ یہ معاملہ مقبوضہ علاقوں میں جنگ کے مخالفین کی جانب سے سخت تنقید کا باعث بنا ہے۔
کچھ تجزیہ کاروں کا خیال ہے کہ خطے میں جنگوں کے نتیجے میں آنے والے معاشی دباؤ نے صیہونی رجیم کی عملی صلاحیت کو محدود کر دیا ہے، جس کی وجہ سے اس رجیم کے حکام عوامی طور پر فوجی کارروائیوں کے لیے مالی وسائل کی قلت کا اظہار کر رہے ہیں۔
